Qaraǵandyda anasy men qyzy óz páterinde óli kúıinde tabyldy
QARAǴANDY. KAZINFORM — Qaraǵandy qalasyndaǵy kópqabatty turǵyn úılerdiń birinen áıel men jasóspirim qyzdyń zorlyq-zombylyq belgileri bar máıitteri tabyldy. Polıtsııa kúdiktiniń jeke basyn anyqtap, ony ustaý baǵytynda jedel-izdestirý sharalaryn júrgizip jatyr.
26 naýryz kúni Krylov kóshesinde ornalasqan páterlerdiń birinen 38 jastaǵy áıel men onyń 12 jastaǵy qyzynyń deneleri tabylǵan. Aldyn ala málimetterge sáıkes, olardyń denelerinde zorlyq-zombylyq izderi anyqtalǵan.
Atalǵan fakti boıynsha qylmystyq is qozǵaldy. Qaraǵandy oblysy polıtsııa departamentiniń málimetinshe, kúdiktiniń jeke basy anyqtalǵan, qazirgi ýaqytta ony ustaýǵa baǵyttalǵan keshendi jedel-izdestirý is-sharalary júzege asyrylyp jatyr.
Oqıǵa ornynda tergeý áreketteri jalǵasady. Qaıǵyly oqıǵanyń tolyq kórinisin qalpyna keltirý jáne barlyq mán-jaıyn anyqtaý maqsatynda qajetti saraptamalar taǵaıyndalyp, protsessýaldyq sharalar júrgiziledi.
Vedomstvo ókilderi istiń erekshe baqylaýǵa alynǵanyn atap ótti.
— Eki adamdy óltirý deregi boıynsha qylmystyq is qozǵaldy. Kúdiktiniń jeke basy anyqtaldy, ony ustaý boıynsha tıisti sharalar qabyldanýda. Tergeý áreketteriniń tolyq kesheni júrgizilýde, — dep habarlady Qaraǵandy oblysy polıtsııa departamentiniń baspasóz qyzmeti.
Eske salsaq, Qostanaı turǵyny janjal kezinde burynǵy áıelin atyp óltirgenin jazǵanbyz.