Qaraǵandyda anasy men balasy gazda qalǵan tamaq saldarynan ólip kete jazdady

ASTANA. KAZINFORM — TJM qutqarýshylary tútin basqan páterden anasy men balasyn evakýatsııalady, dep habarlaıdy vedomstvonyń baspasóz qyzmeti.

Túnde Qaraǵandy qalasynyń Qazybek bı aýdanynda ornalasqan kópqabatty úılerdiń birinde turǵyndar kúıik ıisin sezip, qutqarýshylardy shaqyrtty.

— Shaqyrýǵa órt sóndirý qyzmetiniń kezekshi eseptoby kelip, 1-qabattaǵy páterde gazda qalǵan taǵamnyń janýyn anyqtady. Ashyq ot bolǵan joq, biraq tútin qatty boldy. Páterden qutqarýshylar uıyqtap qalǵan úı ıesi men onyń 2022 jyly týǵan kishkentaı ulyn evakýatsııalady. Qaýip joıyldy. Zardap shekkender joq, — delingen habarlamada.

Budan buryn Qaraǵandyda Shahterler kúnine arnalǵan kontsertte 235 bala ata-anasynan adasqanyn jazǵan edik.