Qaraǵandyda aǵa ýákiletti ókil jazasyn óteýshini azaptaǵany úshin sottaldy

QARAǴANDY. KAZINFORM – Qylmystyq ister jónindegi mamandandyrylǵan aýdanaralyq sot sottalǵan adamǵa qatysty azaptaý is-áreketterin jasaǵan Qaraǵandy oblysy jáne Ulytaý oblysy boıynsha Qylmystyq-atqarý júıesi departamentiniń aǵa ýákiletti ókiline qatysty úkim shyǵardy. Bul týraly Bas prokýratýranyń baspasóz qyzmeti habarlady.

Qyzmetker Qylmystyq kodekstiń 146-babynyń 2-bóligi boıynsha kináli dep tanylyp, 1 jyl 6 aıǵa bas bostandyǵynan aıyryldy. Sondaı-aq oǵan 3 jyl boıy memlekettikqyzmette jáne quqyq qorǵaý organdaryndaqyzmet atqarýǵa tyıym salynady.

Sottalýshy «ádilet kapıtany» arnaıy ataǵynan aıyryldy jáne ol Jábirlenýshilerge ótemaqy tóleý qoryna aıyppul tóleıdi. Mundaı qylmystardyń aldyn alý maqsatynda oblys prokýratýrasy QAJD qyzmetkerleri úshin sot protsesin tikeleı efırde kórsetýdi uıymdastyrdy.

Sotqa deıingi tergep-tekserýdi oblys prokýratýrasynyń Sotqa deıingi tergep-tekserý basqarmasy júrgizdi.

Buǵan deıin Qaraǵandy oblysynda kóktaıǵaqtan 22 jol-kólik oqıǵasy bolyp, 1 jaıaý júrginshi qaza tapqanyn jazǵan bolatynbyz.