Qaraǵandyda adamdarǵa kúsh qoldanyp, aqsha bopsalaǵan qylmystyq top ustaldy
Qaraǵandy polıtseıleri aqsha bopsalaǵan qylmystyq topty quryqtady. Kazinform bul týraly Polisia.kz-ke silteme jasap habarlaıdy.
Qaraǵandy oblystyq polıtsııa departamenti uıymdasqan qylmysqa qarsy kúres basqarmasynyń qyzmetkerlerine belgisiz tulǵalar jasy 18 ben 20 aralyǵyndaǵy úsh azamattan aqsha men múlik bopsalady degen aqparat tústi. Kúdiktiler jábirlenýshilerge kúsh qoldaný arqyly 27 jáne 57 myń teńge shaǵyn nesıe rásimdetip, sonymen qatar 850 myń teńgege taýarlyq nesıe aldyryp, keıin nesıege alynǵan telefondy ózderi tartyp alǵan.
Atalǵan derek boıynsha polıtsııada Qazaqstan Respýblıkasy QK-niń 194-babyna sáıkes qylmystyq is qozǵaldy.
«Jedel-izdestirý is-sharalary barysynda uıymdasqan qylmysqa qarsy kúres basqarmasymen «Arlan» arnaıy maqsattaǵy bólinisi qyzmetkerleriniń birlesken jumysynyń nátıjesinde osy iske qatysy bar degen kúdikpen 18 ben 20 jas aralyǵyndaǵy úsh azamat ustaldy. Ustalǵandardan aıǵaq zattar tárkilendi. Sonymen qatar kúdiktilerdiń birinen tapansha alyndy. Kúdiktilerdiń ekeýi ýaqytsha ustaý ızolıatoryna qamaldy. Qazirgi ýaqytta tergeý áreketteri júrgizilip jatyr», – dedi Qaraǵandy oblystyq polıtsııa departamentiniń bastyǵy Sanjar Adılov.
