Qaraǵandyda 900 mln teńgege jarııalanǵan konkýrstyń kúshi joıyldy
ASTANA. KAZINFORM - Qaraǵandy prokýratýrasy 900 mıllıon teńgeden astam somaǵa jarııalanǵan konkýrstyń kúshin joıdy.
Qaraǵandy qalasy Álıhan Bókeıhan aýdanynyń prokýratýrasy jalpy somasy 985 156 250 teńgeni quraıtyn, aýdandy merekelik bezendirý boıynsha úsh jyldyq konkýrstyń kúshin joıdy.
Oǵan bir jyldan astam merzimge shart jasasý negizderiniń tolyq tizbesi kózdelgen Bıýdjetti atqarý jáne oǵan kassalyq qyzmet kórsetý qaǵıdalarynyń buzylýy negiz boldy.
Tapsyrys berýshige shartty oryndaý merzimin ulǵaıtý qarjylyq turaqtylyq kórsetkishine negizdelgen áleýetti jetkizýshilerdiń qatysýyn shektegen.
Prokýrordyń narazylyǵy boıynsha aýdan ákimdiginiń konkýrsynyń kúshi joıylyp, konkýrsty 1 qarjy jylyna jarııalaý talaptaryna sáıkestendirildi.
Kásipkerlik kedergini joıý kásipkerlerdiń memlekettik satyp alýǵa qatysý múmkindigin keńeıtti.
