Qaraǵandyda 8 júrgizýshi kólik júrgizý quqyǵynan aıyryldy
ASTANA. KAZINFORM — Qaraǵandy oblysynyń prokýratýrasy densaýlyq jaǵdaıy jol qozǵalysyna qaýipsiz qatysýǵa kedergi keltiretin júrgizýshilerdiń kólik júrgizý quqyǵyn toqtatýǵa qatysty zańnamanyń saqtalýyna taldaý júrgizdi. Bul týraly vedomstvonyń baspasóz qyzmeti málim etti.
— Prokýrorlardyń talap-aryzdary boıynsha búgingi kúni 8 júrgizýshi kólik quraldaryn basqarý quqyǵynan aıyryldy, — delingen prokýratýranyń habarlamasynda.
Taǵy 36 talap-aryz sotta qaralyp jatyr.
Sonymen qatar prokýrorlar polıtsııa organdarynyń atyna 11 talap-aryz engizdi, zań buzýshylyqtardy joıý aıasynda 350 júrgizýshige qatysty talap-aryzdar qaralyp jatyr.
Atalǵan sharalar jol qozǵalysy qaýipsizdigin arttyrýǵa, azamattardyń ómiri men densaýlyǵyn saqtaýǵa, barlyq jol qozǵalysyna qatysýshylar úshin qaýipterdi azaıtýǵa baǵyttalǵan.
Bul jumys jalǵasyn tabady.
Buǵan deıin Pavlodarda mas kúıinde kólik basqarǵan 267 júrgizýshi ustaldy.
