Qaraǵandyda 70 jyl buryn salynǵan qosalqy stantsııa jańǵyrtylyp jatyr
QARAǴANDY. KAZINFORM — Qaraǵandyda óńirdiń eń eski toraptyq qosalqy stantsııalarynyń biri — 110 kV «Qaraǵandy» nysany qaıta jańǵyrtýdan ótip jatyr. Bul strategııalyq mańyzdy nysan birden úsh iri ónerkásiptik ortalyqty — Qaraǵandyny, Temirtaýdy jáne Sarandy elektr qýatymen qamtamasyz etedi.
Energetıkterdiń dereginshe, búgingi tańda qosalqy stantsııadaǵy jumystardyń 70 paıyzy aıaqtaldy. Eki qýatty transformator (árqaısysy 40 MVA) jáne zamanaýı taratý qurylǵylary ornatyldy. Bul qadam elektrmen jabdyqtaýdyń senimdiligin arttyryp, apattyq ajyratýlardyń qaýpin barynsha azaıtady.
— Qaraǵandyda shamamen 40 qosalqy stantsııa bar. Biraq osy nysan búkil júıe úshin negizgi. Ol 1948 jyly paıdalanýǵa berilgen jáne uzaq ýaqyttan beri jańartýdy qajet etip kelgen edi. Qaıta jańǵyrtý onyń qýatyn arttyryp, jańa kásiporyndar men turǵyn aýdandardy qosýǵa múmkindik beredi. Budan bólek, bir JEO-da aqaý týyndaǵan jaǵdaıda energııany basqa stantsııalardan jedel baǵyttap, úzdiksiz jumys isteýdi qamtamasyz etýge bolady, — dedi joǵary voltty jeliler jónindegi tehnıkalyq dırektordyń orynbasary Alekseı Bocharnıkov.
Sonymen qatar óńirde jylytý maýsymyna daıyndyq júrip jatyr. Negizgi jylý kózderinde — JEO-1 jáne JEO-3 nysandarynda 26 jabdyq jóndelýde. Onyń ishinde bes qazandyq pen úsh týrbınaǵa kúrdeli jóndeý júrgizilip jatyr. Qoımalarda qazirdiń ózinde 400 myń tonnadan astam kómir bar, bul bir aı úzdiksiz jumysqa jetkilikti qor.
Qaraǵandy qalasynyń 80 paıyzyn jylýmen qamtamasyz etetin JEO-3-te jelilik sýdy joǵary rejımde qyzdyrý qondyrǵylary ornatylyp jatyr. Bul jylý tasymaldaǵyshtyń turaqty temperatýrasyn qatty aıaz kezinde de saqtaýǵa múmkindik beredi. Budan bólek, stantsııa jańa jylý shyǵarý jelisimen jabdyqtaldy, bul qalanyń keńeıýine baılanysty jylý berýdi ulǵaıtýǵa jol ashady.
— Jańǵyrtý jumystarynyń qorytyndy kezeńi JEO-3-ke qosymsha múmkindikter berdi. Bul, ásirese, jylý tutyný kóleminiń artýy jáne jańa nysandardyń qosylýy jaǵdaıynda asa mańyzdy, — dedi «Qaraǵandy Energotsentr» JShS-niń bas dırektory Flıýr Garıpov.
Qaraǵandynyń «Oazıs» shaǵyn aýdanynda jańa jylý jelileri, sorǵy stantsııasy jáne ortalyq jylý pýnkti salynyp jatyr. Jobanyń daıyndyq deńgeıi 78 paıyzǵa jetti, ol 2026 jylǵa qaraı tolyq aıaqtalady dep josparlanǵan.
Osyǵan deıin Qaraǵandyda apattyq elektr jelileri anyqtalyp, «Shet-Energo» múlki memleketke ótkeni jaıly habarlaǵan bolatynbyz.