Qaraǵandyda 6 kólik soqtyǵysyp, bir adam qaza tapty
QARAǴANDY. KAZINFORM — Qaraǵandy qalasynda 6 kólik birden jol apatyna ushyrady.
Qaraǵandy oblysy polıtsııa departamenti taratqan málimetke sensek, 2 qyrkúıek kúni saǵat 14:15 shamasynda Qaraǵandy qalasynyń Amanjolov kóshesinde 6 avtokólik bir-birine soǵylǵan.
Jol-kólik oqıǵasynyń saldarynan sol jerde bir adam qaza taýyp, úsh adam aýrýhanaǵa jetkizildi.
«Atalǵan derek boıynsha qylmystyq is qozǵaldy. Tıisti saraptamalar taǵaıyndalyp, tergeý amaldary júrgizilip jatyr» delingen habarlamada.
Qaraǵandy oblysynyń polıtsııa departamenti kólik júrgizýshilerden jol-júrý erejelerin qatań saqtaýdy, jyldamdyqty shekten tys asyrmaýdy suraıdy.
Eske sala keteıik, búgin Batys Qazaqstan oblysynda da iri jol apatynan qaza tapqan 2 adamnyń biri janyp ketken edi.
BQO polıtsııa departamentiniń baspasóz qyzmetinen málim etkendeı, oqıǵa Bórli-Aqsaı-Jympıty jolynda bolǵan.
