Qaraǵandyda 454 adam memleketten tegin úı alýǵa kezekke zańsyz turyp alǵan
QARAǴANDY. KAZINFORM — Qaraǵandy oblysy prokýratýrasy turǵyn úı zańnamasynyń saqtalýyna tekseris júrgizdi.
Memleket baspanamen halyqtyń tek belgili bir sanattaryn qamtamasyz etedi.
Tekserý barysynda turǵyn úıge muqtaj retinde kezekte turǵan 33 myń azamattyń 454-i atalǵan sanatqa jatpaıtyny jáne memlekettik qordan turǵyn úı alýǵa quqyǵy joq ekeni anyqtaldy (den qoıý aktileri boıynsha kezekten shyǵaryldy).
50 adamǵa aýdany zań talaptaryna sáıkes kelmeıtin páterler berilgen.
Qadaǵalaý aktisi boıynsha ıesi joq 78 turǵyn úıdi kommýnaldyq menshikke qabyldaý sharalary júrip jatyr.
Azamattardyń jalǵa berilgen turǵyn úıge tólemder boıynsha qaryzy — 20 mln teńge, den qoıý aktileri boıynsha jergilikti atqarýshy organdar sotqa talap-aryz berdi.
Shahtınsk qalasynda páterdi turǵyn úıdi jalǵa berý shartyn zańdy dep taný týraly jalǵan sot sheshiminiń negizinde jekeshelendirý túrindegi alaıaqtyq faktisi anyqtaldy.
Qylmystyq kodekstiń 190-baby boıynsha sotqa deıingi tergeý bastaldy.
Aqtoǵaı aýdanynda muqtaj azamattarǵa jaǵdaıy órt jáne sanıtarlyq qaýipsizdik talaptaryna sáıkes kelmeıtin, atap aıtqanda qabyrǵasynda jaryq pen ylǵal bar, elektr qondyrǵylary zaqymdalǵan, symdary ashyq jáne basqa aqaýlary bar 4 turǵyn úı satyp alynǵan.
Sol aýdanda elektr qýatyna qosylmaǵan 2 turǵyn úı satyp alynǵan.
Tekserý jalǵasyp jatyr.
