Qaraǵandyda 12 qarashada sırena ne úshin qosylatyny aıtyldy

ASTANA. KAZINFORM — Qaraǵandy oblysynda 12 qarashada halyqty qulaqtandyrý júıesi tekseriledi.

a
Foto: Qaraǵandy oblysy ákimdigi

Qaraǵandy oblysynda 12 qarashada dybystyq elektr sırenalaryn iske qosý arqyly qulaqtandyrý júıesi tekseriledi. 

Sırena saǵat 10:00 iske qosylady. Tekserý oblystyq «Qys-2026» komandalyq-shtabtyq oqý-jattyǵýy aıasynda ótedi.

— 2026 jylǵy 12 qarashada saǵat 10:00–de «Barshańyzǵa nazar aýdaryńyz!» sıgnalyn bere otyryp, aýmaqtyq deńgeıdegi qulaqtandyrý júıesiniń daıyndyǵyn tekserý júrgiziledi, — dep habarlaıdy Qaraǵandy oblysynyń TJD qyzmeti.

Vedomstvo óńir turǵyndary men qonaqtaryn sabyrlyq saqtaýǵa jáne dúrbeleń týdyrmaýǵa shaqyrady.

Osyǵan deıin Qaraǵandy, Temirtaý, Balqash qalalarynyń tsıfrlyq egizderi jasalatynyn jazǵanbyz.