Qaraǵandyda 117 adamdy aldaǵan «Takorp» pıramıdasy áshkerelendi

ASTANA. KAZINFORM –  QMA Qaraǵandy oblysy boıynsha departamenti «Takorp» qarjy pıramıdasynyń qurylymdyq bólimshesin basqarý faktisi boıynsha tergeýdi aıaqtady.

Kúdiktiler azamattardyń qarjysyn ınvestıtsııalyq joba retinde tartý shemasyn uıymdastyrǵan. Olar 30-dan 50 myń AQSh dollaryna deıin ınvestıtsııa salyp, 100% kiris kepildendiriledi dep ýáde bergen.

— Pıramıda ınternet-platforma arqyly jumys istegen, onda alty bonýs deńgeıinen turatyn matrıtsalyq júıe («VIP-1» — «VIP-6») qoldanylǵan.

Tólemder USDT krıptovalıýtasynda eseptelip, salym kólemine jáne referaldyq siltemeler arqyly tartylǵan qatysýshylar sanyna baılanysty bolǵan.

Zańdylyq pen oń ımıdj qurý úshin uıymdastyrýshylar balalar úılerinde qaıyrymdylyq aktsııalaryn ótkizgen, — delingen QMA habarlamasynda.

Nátıjesinde «Takorp» pıramıdasyna 117 qatysýshy tartylylǵan.

Sot sanktsııasymen 32 myń AQSh dollaryna teń krıptovalıýtaǵa tyıym salyndy.

Eki kúdiktiniń qozǵalysyn shekteý jáne tártip saqtaý týraly qolhatpen bultartpaý sharasy qoldanyldy.

Qylmystyq is sotqa joldandy.

Qylmystyq protsessýaldyq kodekstiń 201-babyna sáıkes basqa aqparat jarııalaýǵa jatpaıdy. 

Aıta ketelik Kókshetaýda 136 mıllıon teńge jınaǵan qarjy pıramıdasy áshkere boldy.