Qaraǵandyda 1 jasar búldirshin tereń shuńqyrǵa qulap ketken
ASTANA. KAZINFORM — Oqys oqıǵa Qaraǵandy qalasyndaǵy Chaıkına kóshesinde bolǵan. Qutqarýshylar shuńqyrǵa qulap ketken balany alyp shyqty.
Qaraǵandy qalasy Álıhan Bókeıhan aýdanyndaǵy Chaıkına kóshesinde turǵyn úıdiń mańynda baǵana ornatý úshin qazylǵan shuńqyrǵa 2025 jyly týǵan bala qulap ketken.
— Oqıǵa ornyna jedel jetken TJM qyzmetkerleri balany shuńqyrdan alyp shyǵyp, anasyna aman-esen tapsyrdy. Balany ári qaraı tekserý úshin jedel medıtsınalyq járdem brıgadasyna tapsyryldy, — delingen TJM habarlamasynda.
Osyǵan deıin SQO-da 16 jasar bala qazanshuńqyrǵa batyp, kóz jumǵanyn jazǵan bolatynbyz.
