«Qaraǵandy JEO-3-te jarylys boldy» – jelidegi aqparatqa túsinik berildi
Áleýmettik jelilerde Qaraǵandynyń Jylý elektr ortalyǵynda (JEO) qazandyq agregaty jarylǵany týraly aýdıojazbalar men vıdeolar tarap jatyr. Qala ákimi Meıram Qojýhov pen JEO-3 bas dırektory Flıýr Garıpov bul málimetterdi teriske shyǵardy, dep habarlaıdy QazAqparat tilshisi.
Keshe Qaraǵandy qalasy túgeldeı derlik jaryqsyz qalǵannan keıin áleýmettik jelilerde Jylý elektr ortalyǵynda jarylys bolǵany týraly kóptegen jarııalanymdar paıda boldy.
Vıdeoda týrbınalardyń aınalasynda bý shyǵyp jatqanyn kórýge bolady. Jelidegi jazbalarda qalaǵa elektr qýaty ýaqytsha qosylǵany jáne jóndeý jumystaryna bir aptadan astam ýaqyt ketetini aıtylady.
Alaıda qala bıligi turǵyndardy baıbalamǵa salynbaýǵa shaqyrdy. Qaraǵandy ákimi Meıram Qojýhov óziniń Instagram-paraqshasynda vıdeo jarııalap, onda JEO-3 bas dırektory Flıýr Garıpov býdyń kóp mólsheriniń sebebin egjeı-tegjeıli túsindiredi, sondaı-aq jarylys týraly nusqany joqqa shyǵarady.
"Qazir stantsııa shtattyq rejımde. 3 qazandyq pen 3 týrbına jumys isteıdi. Shamamen 260 megavatt generatsııany quraıdy jáne №1 qazandyq pen № 6 týrbınany iske qosý júrgiziledi. Shamamen eki saǵattan keıin biz júktemeni qalpyna keltiremiz. Jalpy qýat shamamen 380 mVt-qa deıin bolady.
Áleýmettik jelilerde halyq arasynda qarqynmen taralyp jatqan feıkterge jáne taǵy basqasyna qatysty aıtar bolsam. Bý shyǵyp jatqany beınelengen fotosýrette tseh qazandyǵynyń jarylýy oryn aldy degen eken. Bul bý aldyn ala qaýipsizdik maqsatynda shyǵarylady. ıAǵnı, negizgi jabdyq toqtaǵan kezde qazandyqtar 140 atmosferanyń qysymynda bolady. Qyzyp ketken býdyń temperatýrasy shamamen 550 gradýs jáne bul kúshti bir ýaqytta biteý múmkin emes. Sondyqtan, bý arnaıy qurylǵy arqyly shyǵarylady, bul – aýa ótkizgishter.
Jelilerdiń shamadan tys júktemesi bolatynyna kelsek. Shamadan tys júktemeni boldyrmaıtyn shekteýishte deffekt boldy. Ol qazir júıeden shyǵaryldy. Qalǵan joǵary voltty qurylǵy jumys istep tur. 110 jáne 220 kVt qosalqy stantsııalar – shtattyq rejımde. Barlyq jabdyqtar qosylǵan, tutynýshylarǵa shekteýler joq. Qazir óndirilip jatqan barlyq qýat qalaǵa beriledi, shekteýsiz. Sondyqtan eshqandaı ajyratýlar josparlanbaıdy, shamadan tys júktemeniń oryn alýy múmkin emes jáne bolmaıdy da", - dedi JEO-3 bas dırektory.
Sondaı-aq túnde Qaraǵandy qalasynyń Jylý elektr ortalyǵynda qazandyq jaǵyla bastady. Demalys kúnderi úılerge jylý berile bastaıdy.
Eske salaıyq, keshe Qaraǵandy oblysynyń bas shaharynda abonentterdiń basym deni jaryqsyz qalǵan bolatyn.
Óńir ákimi Ermaǵanbet Bólekbaev turǵyndarǵa málimdeme jasap, jaǵdaıdy túsindirdi.
Keıin Energetıka mınıstrligi shaharda qýat berý qalpyna keltirilgenin málim etti.
Mınıstrlik tótenshe jaǵdaıǵa baılanysty tergeý júrgizbek.
Posmotret etý pýblıkatsııý v Instagram
Posmotret etý pýblıkatsııý v Instagram
