Qaraǵandy jáne Ulytaý oblystarynda birneshe jol jabyldy
ASTANA. KAZINFORM – Aýa raıynyń nasharlaýyna baılanysty Qaraǵandy jáne Ulytaý oblystarynda respýblıkalyq mańyzy bar avtojoldardyń birneshe ýchaskesinde kólik qozǵalysyna ýaqytsha shekteý engizildi.
19 naýryz kúni saǵat 21:00-den bastap barlyq kólik túrleri úshin qozǵalys toqtatylǵan ýchaskeler:
Qaraǵandy oblysy:
– «Qyzylorda – Jezqazǵan – Qaraǵandy – Shiderti» avtojoly, 788-906 shaqyrym, Ulytaý oblysynyń shekarasy – Topar aýyly aralyǵy;
– «Qyzylorda – Jezqazǵan – Qaraǵandy – Shiderti» avtojoly, 970-1066 shaqyrym, Qaraǵandy qalasy – Molodejnyı kenti aralyǵy;
– «Qaraǵandy – Aıagóz – Tarbaǵataı – Buǵaz» avtojoly, 17–217 shaqyrym, Qaraǵandy qalasy – Qarqaraly qalasy aralyǵy.
Ulytaý oblysy:
– «Qyzylorda – Jezqazǵan – Qaraǵandy – Shiderti» avtojoly, 756-788 shaqyrym, Jańaarqa aýyly – Qaraǵandy oblysynyń shekarasy aralyǵy.
Jaýapty qyzmetterdiń málimetinshe, joldardy 20 naýryz kúni saǵat 08:00-de ashý josparlanyp otyr.
Qosymsha aqparatty táýlik boıy 1403 baılanys ortalyǵyna habarlasyp alýǵa bolady.
Aıta keteıik, búgin birqatar óńirde júk kólikterine shekteý qoıylady.
