Qaraǵandy zerthanasyna aıyppul salynyp, akkredıtatsııasy toqtatyldy

ASTANA. KAZINFORM — Asfaltbetondy synaqtan ótkizý kezinde normalardy buzǵany úshin Qaraǵandy zerthanasyna aıyppul salynyp, akkredıtatsııa kýáligi toqtatyldy, dep habarlaıdy Tehnıkalyq retteý jáne metrologııa komıteti.

— Qaraǵandy oblysyndaǵy zerthana asfaltbeton qospasynan jasalǵan kern materıaldaryn synaý boıynsha hattamalardy akkredıtatsııalyq normalardy buza otyryp shyǵarǵan. Bul buzýshylyq Qazaqstan Respýblıkasy Saýda jáne ıntegratsııa mınıstrliginiń Tehnıkalyq retteý jáne metrologııa komıteti departamenti qyzmetkerleri júrgizgen jospardan tys tekserý barysynda anyqtaldy, — delingen komıtet taratqan aqparatta.

Buǵan deıin habarlaǵanymyzdaı, Qazaqstan jol ǵylymı-zertteý ınstıtýtynyń mamandary Qazaqstandaǵy asfaltbeton zaýyttaryn tekserýge kiristi.

Sondaı-aq, elordada asfaltbetondy jyldyń sýyq mezgilinde tóseýge arnalǵan erekshe qospa tanystyrylǵanyn jazdyq.