Qaraǵandy - Temirtaý jolynda 200-den astam júk kóligi tur

QARAǴANDY. KAZINFORM - Qaraǵandy - Temirtaý tas jolynda 200-den astam júk jáne 50 jeńil avtokólik tur. Keptelis qatty boran saldarynan túzilgen, dep habarlaıdy Kazinform agenttiginiń tilshisi.

Qarly boran Qaraǵandy - Temirtaý respýblıkalyq jolynda keptelis týdyrdy. Oqıǵa ornynda polıtsııa, TJD jáne 1Qazavtojol1 qyzmetkerleri jumys istep jatyr.

«Qurmetti Qaraǵandy oblysynyń turǵyndary men qonaqtary! Aýa raıynyń qolaısyzdyǵyna baılanysty eldi mekende qalyp, alys jolǵa shyǵýdan bas tartýlaryńyzdy suraımyz. Biz qazir Temirtaý - Qaraǵandy avtojolynda turmyz. Munda 50 jeńil avtomobıl jáne 200-den astam júk kóligi turyp qalǵan. Saq bolyńyzdar, qaýipsizdik sharalaryn saqtańyzdar», - dedi Qaraǵandy oblysy Polıtsııa departamenti patrýldik polıtsııa batalonynyń aǵa ınspektory Aldııar Maratov.

Polıtsııa departamenti bir saǵat ishinde jol ashylatynyn, jol qyzmetteri joldy qardan tazartyp jatqanyn málim etti.