Qaraǵandy prokýrorlarynyń aralasýymen kásiporynnyń gaz qazandyqtaryna gaz berildi
QARAǴANDY. KAZINFORM — Uzaq ýaqyt boıy ınvestor kásiporynnyń tsehtaryn gazben qamtamasyz etýge ruqsat ala almaǵan jáne bul jobany júzege asyrý boıynsha jumystarǵa kedergiler keltirgen. Bul týraly Qaraǵandy oblysy prokýratýrasynyń baspasóz qyzmeti málim etti.
Qaraǵandy oblysynyń prokýratýrasy mańyzdy ınvestıtsııalyq jobalardy qoldaý jumystaryn jalǵastyryp keledi.
Qadaǵalaý qyzmetiniń basym baǵyttarynyń biri, negizgi mindet — problemalardy tıimdi sheshý, ınvestorlardyń quqyqtary men zańmen qorǵalatyn múddelerin qalpyna keltirý. Osy maqsattarda, sondaı-aq quqyqtyq kómek kórsetý úshin oblys prokýratýrasynyń saıtynda barlyq múddeli organdar men uıymdar qatysatyn Front — ofıs jumys isteıdi.
Birlesken jumys aıasynda myńnan astam jumys ornyn qurýmen turmystyq tehnıka shyǵarý boıynsha quny 25 mıllıard teńgeni quraıtyn jobany júzege asyryp jatqan «Silk Road Electronics» JShS ınvestorynyń problemasy anyqtalǵan. Uzaq ýaqyt boıy ınvestor kásiporynnyń tsehtaryn gazben qamtamasyz etýge ruqsat ala almaǵan jáne bul jobany júzege asyrý boıynsha jumystarǵa kedergiler keltirgen.
Front-ofıs qyzmeti aıasynda ınvestor men ýákiletti organdardyń qatysýymen keńes ótkizilip, másele sheshilip, kásiporynnyń gaz qazandyqtaryna gaz berý uıymdastyryldy.
Jumys jalǵasynt taýyp keledi ári prokýratýra basshylyǵynyń erekshe baqylaýyna alynǵan.
Problemalyq máselelerdi anyqtaý úshin Front-ofıs otyrystary turaqty túrde ótkiziledi, 24/7 rejıminde Call-ortalyq jáne bıznes quqyqtaryn qorǵaý jónindegi mobıldi top (qajet bolǵan jaǵdaıda obektilerge, quqyq buzýshylyq jasalǵan orynǵa shyǵý) jumys isteıdi.
