Qaraǵandy oblysynyń jumyspen qamtýdy úılestirý jáne áleýmettik baǵdarlamalar basqarmasyna jańa basshy keldi

QARAǴANDY. KAZINFORM – Qaraǵandy oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy bolyp Tóleý Muhtar taǵaıyndaldy. Buǵan deıin ol osy basqarmada basshynyń orynbasary bolyp jumys istegen, dep habarlaıdy Kazinform tilshisi.

Kadrlyq ózgerister týraly apparat otyrysynda oblys ákimi Ermaǵanbet Bólekpaev habarlady.
Tóleý Muhtar - QR Prezıdenti janyndaǵy Memlekettik basqarý akademııasynyń túlegi. Memlekettik qyzmette segiz jyldan astam eńbek etip keledi.

Qaraǵandy oblysynyń Jastar saıasaty máseleleri basqarmasynda bas maman bolyp jumys istedi. Qaraǵandy oblysy Din isteri basqarmasynyń Konfessııaaralyq qatynastar problemalaryn taldaý jáne zertteý ortalyǵyn basqardy. 2018 jyldan bastap Qaraǵandy oblysynyń jumyspen qamtýdy úılestirý jáne áleýmettik baǵdarlamalar basqarmasynda jumys istep keledi, 2019 jyldan bastap basshynyń orynbasary qyzmetin atqardy.

Eske salsaq, Asqar Ǵazalıev Qaraǵandy oblysy Ónerkásip basqarmasynyń basshysy bolyp taǵaıyndalǵan bolatyn.