Qaraǵandy oblysynyń jumyspen qamtýdy úılestirý basqarmasynyń basshysy taǵaıyndaldy

Qaraǵandy oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy bolyp Ǵalymjan Ospanuly Spabekov taǵaıyndaldy. Buǵan deıin ol oblys ákim apparaty basshysynyń orynbasary qyzmetin atqarǵan.

Kadrlyq ózgerister týraly oblys ákimi Ermaǵanbet Bólekpaev apparattyq keńeste habarlady.

Ǵalymjan Spabekov — memlekettik jáne jergilikti basqarý magıstri, memlekettik qyzmette 25 jyldan astam eńbek ótili bar.

Ol Temirtaý qalasynda uıymdastyrý jumystary, kásipkerlik, ónerkásip jáne aýyl sharýashylyǵy bólimderin basqarýdan bastap, qala ákiminiń orynbasary laýazymyna deıingi eńbek jolynan ótken.

2023 jyldyń qazan aıynan bastap osy taǵaıyndaýǵa deıin Qaraǵandy oblysy ákimi apparaty basshysynyń orynbasary qyzmetin atqardy.

Aıta ketelik elde apta ishinde bolǵan kadrlyq taǵaıyndaýlar týraly jazǵan edik.