Qaraǵandy oblysynyń turaqtandyrý qorynda azyq-túlik qory men baǵasy qandaı

ASTANA. KAZINFORM – Qaraǵandy oblysynyń oblystyq turaqtandyrý qorynyń áleýmettik mańyzy bar azyq-túlik taýarlary aýyl sharýashylyǵy kooperatıviniń qoımasynda jáne taýar óndirýshiler qoımalarynda saqtalady. Qazirgi tańda qor kólemi 4515 tonnany quraıdy.

Qaraǵandy oblysynda áleýmettik mańyzy bar azyq-túlik taýarlarynyń baǵasyn turaqtandyrý tetikterin iske asyrýdy «Saryarqa» ÁÓK» AQ júzege asyrady.

Áleýmettik mańyzy bar azyq-túlik taýarlarynyń baǵasyn turaqtandyrý maqsatynda ÁÓK áleýmettik mańyzy bar azyq-túlik taýarlaryn satyp alý-satý boıynsha kásipkerlik sýbektilerine nesıe berý sııaqty «aınalmaly shema» tetikterin qoldanady.

ÁÓK qoımasynda azyq-túliktiń tórt túri bar: qant, qaraqumyq, kúnbaǵys maıy, kúrish. Taýar óndirýshiler qoımasynda: kúrish, sábiz, pııaz, túrli tústi qyryqqabat, kartop bar.

— Ónim oblys turǵyndaryna satylatyn bolǵandyqtan, taýarlardy únemi jańartyp otyrý jáne jaramdylyq merziminiń ótýine jol bermeý úshin, óndirýshilerden turaqtandyrý qorynyń qoımasyna partııalarmen jetkiziledi, - dep habarlady «Saryarqa» ÁÓK» AQ.

Jasalǵan forvardtyq jáne tikeleı kelisimder sheńberinde turaqtandyrý qory 4515 tonna ónim óndirdi, onyń ishinde: 389 tonna qant, 251,9 tonna kúrish, 28,6 tonna qaraqumyq, 48,3 myń lıtr ósimdik maıy, 697 tonna sábiz, 2100 tonna kartop, 500 tonna pııaz, 500 tonna oramjapyraq bar.

Turaqtandyrý qoryndaǵy azyq-túlik ónimderiniń jalpy quny qansha?

Búgingi tańda «Saryarqa» ÁÓK» AQ qoımalaryndaǵy áleýmettik mańyzy bar azyq-túlik taýarlarynyń jalpy quny 578,1 mln.

Qaraǵandy oblysyndaǵy saýda núktelerinde turaqtandyrý qorynan alynǵan áleýmettik mańyzy bar azyq-túlik taýarlary qandaı baǵamen satylady?

27 qyrkúıektegi jaǵdaı boıynsha turaqtandyrý qorynyń ónimderi kelesi baǵamen satylyp jatyr:

birinshi surypty bıdaı uny: turaqtandyrý qorynyń baǵasy — 147 teńge/kg, sóredegi baǵasy — 154 teńge/kg, jyltyratylǵan kúrish: turaqtandyrý qorynyń baǵasy — 340 teńge/kg, sóredegi baǵasy — 357 teńge/kg, qaraqumyq: turaqtandyrý qorynyń baǵasy — 145 teńge/kg, sóredegi baǵasy — 152 teńge/kg, makaron ónimderi: turaqtandyrý qorynyń baǵasy — 257 teńge/kg, sóredegi baǵasy — 270 teńge/kg, kúnbaǵys maıy: turaqtandyrý qorynyń baǵasy — 480 teńge/l, sóredegi baǵasy — 504 teńge/l, 1 sanatty jumyrtqa: turaqtandyrý qorynyń baǵasy — 47 teńge/dana, sóredegi baǵasy — 49 teńge/dana.

Jergilikti taýar óndirýshilermen kelisim bar ma?

Aınalym shemasy aıasynda «Agrofırma Azamat» JShS-men nesıelik kelisim jasaldy, oǵan sáıkes JShS 2024 jyldyń qazanynan 2025 jyldyń naýryzyna deıin jalpy kólemi 1108 tonna jemis-jıdek pen kókónisti (sábiz — 120 tonna, kartop — 750 tonna, pııaz — 120 t., qyryqqabat — 118 t.) Qaraǵandy qalasynyń saýda núkteleri men áleýmettik pavılondaryna jetkizedi.

Aǵymdaǵy jyldyń shilde aıynda astyq ónimderiniń baǵasyn turaqtandyrý maqsatynda «Qaraǵandy-Nan Korporatsııasy» JShS jáne «Qaraǵandy Melkombınat» JShS-men nesıelik kelisim uzartyldy, oǵan sáıkes kásiporyndar qaladaǵy saýda oryndaryna, áleýmettik pavılondar men aýdandarǵa 1 surypty nan jetkizedi. 2024 jyldyń 1 jeltoqsanynan bastap sórelerde nannyń bólshek saýdadaǵy baǵasy 140 teńge/dana (1,5 mln/dana), makaron ónimderi — 270 teńge/kg (257,9 tonna), 1 surypty un — 154 teńge/kg (1200 tonna) quraıdy.

Tamyz aıynda 1-sanattaǵy jumyrtqanyń baǵasyn turaqtandyrý maqsatynda «Agrofırma Qurma» JShS-men nesıelik kelisim-shart uzartyldy, 1-sanattaǵy jumyrtqalar qalalyq dúkenderge 49 teńge/dana baǵamen jetkiziledi; (2,4 mln./dana), turaqtandyrý kezeńi 2024 jylǵy qazan — 2025 jylǵy sáýir aralyǵy.

Sondaı-aq, «Dónenbaev» JK 2024 jyldyń tamyzynan 2025 jyldyń tamyzyna deıin Temirtaý saýda núktelerine 160 tonna kartop, 40 tonna sábiz, 17 tonna pııaz, 40 tonna qyryqqabat, 25 tonna 1 surypty un, 8 myń lıtr kúnbaǵys maıy, 7 tonna qant jetkizedi.

«Andosova» JK 2024 jyldyń mamyrynan 2025 jyldyń mamyr aıyna deıin Qarqaraly aýdanyndaǵy saýda oryndaryna 1 sortty un — 20 tonna, kúrish — 9 tonna, qaraqumyq — 9,8 tonna, kúnbaǵys maıy — 28 myń lıtr, kartop — 100 tonna, sábiz — 24,8 tonna, pııaz — 15 tonna, qyryqqabat — 2 tonna, qant — 28 tonna, 1-shi sanattaǵy jumyrtqa — 200 myń dana jetkizedi.

Buǵan deıin Kazinform Atyraý, Almaty, Túrkistan, Aqtóbe, Qyzylorda, Pavlodar, Qostanaı, Soltústik Qazaqstan, Mańǵystaý, Aqmola, Shyǵys Qazaqstan oblystary men Jetisý oblysynyń turaqtandyrý qorlaryndaǵy ónim qory men baǵasy týraly jazǵan bolatyn.