Qaraǵandy oblysynyń tasjoldarynda 18 blok-beket qoıyldy
QARAǴANDY. KAZINFORM – Qaraǵandy oblysynyń tasjoldarynda 18 jyljymaly blok-beket qoıyldy. Bul týraly ІІM baspasóz qyzmeti habarlady.
Mal urlyǵynyń aldyn alý jáne oǵan tosqaýyl qoıý maqsatynda Qaraǵandy oblysynyń tasjoldarynda 18 jyljymaly blok-beket qoıyldy. Polıtsııa qyzmetkerleri atalǵan beketterde mal jáne et ónimderin tasymaldaýshylardy toqtatyp, qujattarynyń belgilengen talaptarǵa saı bolýyn tekseredi.
Jyl basynan bastap oblys aýmaǵynda 25 mal urlyǵy tirkelip, onyń 18-i ashyldy. Máselen, ótken aptada Buqar jyraý aýdandyq polıtsııa basqarmasynyń qyzmetkerleri aýdan turǵynynyń quny 1 mıllıon turatyn Golshteın asyl tuqymdy iri qarasyn urlaǵan kúdiktiler ustaldy. Atalǵan derek boıynsha qylmystyq is qozǵalyp, tergeý áreketteri júrgizilip jatyr.
Polıtsııa qyzmetkerleriniń aıtýynsha, atalǵan blok-beketter erekshe úkimge deıin jumys atqaratyn bolady. Mal urlyǵynyń basym bóligi erkin jaıylymnan bolsa, keıbir jaǵdaılarda mal ıesi tórt túliginiń qaı ýaqytta joǵalǵanyn bilmeıtin kezder bolady.
Polıtsııaǵa jaıylymnan mal joǵalý boıynsha 17 aryz túsip, júrgizilgen izdestirý is-sharalary barysynda 106 mal, ıaǵnı 56 jylqy, 12 iri qara mal, 38 usaq mal tabyldy. Qaraǵandy oblysynyń Polıtsııa departamenti oblys turǵyndarynan júrgizilip jatqan is-sharalarǵa túsinistik tanytyp, óz múlikterine saqtyqpen qaraýǵa shaqyrady.
