Qaraǵandy oblysynyń sport basqarmasyndaǵy janjalǵa qatysty tekseris bastaldy

QARAǴANDY. KAZINFORM — Qaraǵandy qalasyndaǵy sport nysandarynyń birinde Serik Sápıev pen onyń orynbasary arasynda bolǵan janjalǵa baılanysty tekseris júredi.

Atap aıtqanda, qyzmettik tekserý men basqarmanyń qyzmetine keshendi aýdıt taǵaıyndalǵan.

— Jaǵdaıdy jan-jaqty ári ádil zerdeleý maqsatynda sport basqarmasynda Memlekettik qyzmet isteri agenttigi departamenti tarapynan qyzmettik tekserý júrgiziledi. Sonymen qatar basqarmanyń qyzmetine keshendi aýdıt jasalady, — delingen Qaraǵandy oblysy ákimi apparatynyń baspasóz qyzmeti taratqan resmı habarlamada.

Eske salsaq, Qaraǵandy oblysy polıtsııa departamentiniń málimetinshe, eki er adam arasynda aldymen aýyzsha kelispeýshilik týyndap, ol keıinnen tóbelespen aıaqtalǵan. Qaraǵandy qalasynyń 42 jastaǵy turǵynynyń aryzy negizinde «Uryp-soǵý» baby boıynsha sotqa deıingi tergep-tekserý bastaldy. Atalǵan baptyń sanktsııasy aıyppul salýdy, qoǵamdyq jumystarǵa tartýdy nemese 25 táýlikke deıin ákimshilik qamaýǵa alýdy kózdeıdi. Tergeý múddesine baılanysty ózge aqparat jarııalanbady.