Qaraǵandy oblysynyń polıtseılerine 200 jańa qyzmettik kólik berildi
ASTANA. KAZINFORM – Qaraǵandy oblysynyń polıtseılerine 200 jańa qyzmettik kólik berildi. Bul týraly Polisia.kz saıty jazdy.
Qaraǵandy oblysynyń polıtseıleri jańa qyzmettik kóliktiń kiltin aldy. Quqyq qorǵaý salasy qyzmetkerleriniń avtoparki oblystyq bıýdjet esebinen satyp alynǵan 200 arnaıy kólikpen tolyqty. Olardyń basym bóligi patrýldik polıtsııaǵa beriledi. Trassada qyzmet etetin tártip saqshylary da jol talǵamaıtyn kólikter aldy. Óńir basshysy Ermaǵanbet Bólekpaev jańa tehnıkalardy ózi tabystady.
– Sizderdiń qyzmetterińiz jedel jáne jaıly bolýy úshin qolymyzdan kelgenniń bárin jasaýǵa daıynbyz. Sondyqtan quqyq qorǵaý organdarynyń tıimdi jumysynda materıaldyq-tehnıkalyq bazany nyǵaıtý erekshe mańyzdy. Bıyl quqyq qorǵaý organdarynyń qajettilikterine oblystyq bıýdjetten 22,8 mlrd teńge bólindi, onyń ishinde bir mıllıardtan astamy materıaldyq-tehnıkalyq jabdyqty jaqsartýǵa baǵyttalady, – dedi oblys ákimi. Óńir basshysy qoǵamdyq tártipti qamtamasyz etý úshin quqyq qorǵaý organdaryn qoldaý jolǵasatynyn aıtty.
Óńir basshysy qoǵamdyq tártipti qamtamasyz etý úshin quqyq qorǵaý organdaryn qoldaý jolǵasatynyn aıtty.
– Materıaldyq-tehnıkalyq bazany jańartý oblystaǵy jedel jaǵdaıdy jaqsartýmen tikeleı baılanysty. Óńirdegi jaǵdaı turaqty, qylmystyń aldyn alý boıynsha aýqymdy jumystar júrgizilip jatyr. Qoǵamdyq tártipti saqtaý, turǵyndardyń qaýipsizdigin qamtamasyz etý úshin alda qolymyzdan kelgenin jasaımyz, – dep alǵysyn bildirdi Qaraǵandy oblysynyń polıtsııa departamentiniń bastyǵy Nyǵmet Ismaǵulov.
Polıtsııa departamenti bastyǵynyń orynbasary Nurıddın Daýylbaevtyń aıtýynsha, avtopark jyl saıyn jańarady jáne qyzmettik kólik qajettiligi 85%-ǵa qamtamasyz etilgen. Sondaı-aq 100 arnaıy kólik qalada jáne trassalarda qyzmet etetin patrýldik polıtsııaǵa berildi. Bul sonymen qatar qysta qar qursaýynda qalyp qoıǵan adamdardy qutqarý jumystaryn jeńildetedi. Jańa mıkroavtobýstar tergeý jedel toptyń oqıǵa ornyna shyǵýy úshin kezekshi bólimderge berildi. Ol óz kezeginde mobıldilikti arttyrady. Kólikter qazirgi zamanǵy standarttarǵa saı keledi, baılanys jáne beıne qurylǵylarmen jáne basqa da qajetti qural-jabdyqtarmen jabdyqtalǵan. Sonymen qatar polıtsııa qyzmetkerleri eńbegi úshin marapattaldy. Qalalar men aýdandardyń ýchaskelik polıtseılerine oblys ákiminiń Qurmet gramotalary tabystaldy.
