Qaraǵandy oblysynyń mádenıet basqarmasyna jańa basshy taǵaıyndaldy
QARAǴANDY. KAZINFORM — Qaraǵandy oblysynyń mádenıet, muraǵattar jáne qujattama basqarmasynyń basshysy bolyp Ǵalymjan Ótelbaıuly taǵaıyndaldy, dep habarlaıdy Kazinform tilshisi.
Kadrlyq ózgerister týraly oblys ákimi Ermaǵanbet Bólekpaev apparat otyrysynda habarlady.
Ǵalymjan Ótelbaıuly Qoja Ahmet ıAsaýı atyndaǵy Memlekettik halyqaralyq qazaq-túrik ýnıversıtetin jáne ál-Farabı atyndaǵy Qazaq ulttyq ýnıversıtetiniń magıstratýrasyn támamdaǵan. Ol tarıh magıstri.
Eńbek jolyn BAQ-ta bastady. Qazaq radıosynda qoǵamdyq-tanymdyq baǵdarlamalardyń redaktory, sondaı-aq Qazaqstan UTA redaktory bolǵan. QR Mádenıet jáne aqparat mınıstrliginde túrli laýazymdarda jumys istedi. 2012 jyly Qaraǵandy oblysy mádenıet basqarmasy bastyǵynyń orynbasary, 2016-2018 jyldary Almaty qalasy Mádenıet jáne muraǵattar basqarmasynyń basshysy boldy. 2022-2024 jyldary QR Mádenıet jáne aqparat mınıstrliginiń «Qazaq áýenderi» AQ prezıdenti qyzmetin atqardy.
Eske salsaq, Almaty oblysynda Densaýlyq saqtaý basqarmasynyń jańa basshysy taǵaıyndaldy.
