Qaraǵandy oblysynyń qalalary men aýdandarynda jylý qashan óshiriledi
QARAǴANDY. KAZINFORM — Qaraǵandy oblysynda jylytý maýsymyn aıaqtaýdyń boljamdy merzimderi aıqyndaldy. Naqty kúnder aýa raıy jaǵdaıyna baılanysty, degenmen qazirdiń ózinde qaı qalalar men aýdandar «kóktemgi rejımge» alǵashqylardyń biri bolyp kóshetini belgili.
Óńirde jylytý maýsymyn aıaqtaýdyń josparly merzimderi belgilendi. Burynǵydaı, túpkilikti sheshim táýliktik ortasha aýa temperatýrasyna qaraı qabyldanady, alaıda kommýnaldyq qyzmetter qazirdiń ózinde aldyn ala kestege súıenip otyr.
Óńirdiń iri qalalarynda jylý sáýir aıynyń sońyna taman óshiriledi. Máselen, Qaraǵandy men Temirtaýda jylytý maýsymyn aıaqtaý 2026 jylǵy 20 sáýirden keıin josparlanǵan. Bul jylý jelilerine túsetin júktemeniń joǵary bolýyna jáne ótpeli kezeńniń turaqty ótýin qamtamasyz etý qajettiligine baılanysty.
Alǵashqylardyń biri bolyp Balqashta jylytý maýsymy aıaqtaldy. 10 sáýirden bastap mysty qala jazǵy rejımge aýysty. Odan keıin kóp uzamaı Prıozerskte 12 sáýirde jylý óshirildi.
Aýdandar boıynsha merzimder ártúrli. Abaı aýdanynda jylytý maýsymy 15 sáýirde aıaqtalady. Aqtoǵaı aýdanynda jylý 10–15 sáýir aralyǵynda óshiriledi dep kútiledi.
Anaǵurlym uzaq jylytý kezeńi Buqar Jyraý aýdanynda qarastyrylǵan — munda maýsym 20 sáýir men 1 mamyr aralyǵynda aıaqtalýy múmkin. Bul óńirdiń klımattyq erekshelikteri men aýmaǵynyń aýqymyna baılanysty.
Osylaısha, óńir jylytý maýsymynyń aıaqtalýyna kezeń-kezeńimen daıyndalyp jatyr. Mamandardyń aıtýynsha, kún kúrt sýytqan jaǵdaıda, turǵyndardyń jaılylyǵyn saqtaý jáne kommýnaldyq ınfraqurylymnyń turaqty jumysyn qamtamasyz etý úshin merzimder qaıta qaralýy múmkin.
Osyǵan deıin Qyzylorda oblysynda jylý berý maýsymy aıaqtalǵany týraly habarlaǵan bolatynbyz.
