Qaraǵandy oblysy bilim basqarmasynyń basshysy taǵaıyndaldy
QARAǴANDY. KAZINFORM - Qaraǵandy oblysynyń Bilim basqarmasyn endi Dýlat Shaıkenuly Jekebaev basqarady. Jańa jetekshini aımaq ákimi Ermaǵanbet Bólekpaev apparattyq keńeste tanystyrdy.
Dýlat Jekebaev eńbek jolyn 1997 jyly geografııa jáne tarıh pánderiniń muǵalimi bolyp bastaǵan. Memlekettik qyzmet salasyndaǵy jalpy eńbek ótili 20 jyldan asady.
Ol ár jyldary bilim berý júıesinde birqatar jaýapty laýazymdardy atqardy: Osakarov aýdanynyń bilim bólimin basqardy, Osakarov aýdany ákiminiń orynbasary boldy, Qaraǵandy qalasynyń bilim bólimine jetekshilik etti. Sonymen qatar Qaraǵandy oblysy men Astana qalasynyń Bilim basqarmalarynda basshynyń orynbasary qyzmetin atqarǵan.
2019–2025 jyldary QR Oqý-aǵartý mınıstrliginiń ortalyq apparatynda jumys istedi. Bul kezeńde ol komıtet tóraǵasynyń orynbasary, mınıstrlik apparatynyń jetekshisi boldy. Sońǵy qyzmetinde Qazaqstan Respýblıkasy Oqý-aǵartý mınıstrliginiń Orta bilim komıteti tóraǵasynyń orynbasary laýazymyn atqardy.
Osyǵan deıin Qaraǵandy oblysynyń bilim sapasyn qamtamasyz etý departamentiniń jańa basshysy bolyp Sanat Qabıdenuly Mýsın taǵaıyndalǵany jaıly habarlaǵan bolatynbyz.