Qaraǵandy ​​oblysyndaǵy joldyń bir bóligi jabyldy

ASTANA. KAZINFORM - Qaraǵandy ​​oblysynda kólik qozǵalysyna shekteý engizildi. Bul týraly «QazAvtoJol» habarlady. 

Qaraǵandy ​​oblysynda aýa raıynyń kúrt nasharlaýyna baılanysty «Astana-Qaraǵandy-Almaty» tas jolynyń 1 505-1 610 shaqyrymy (Saryarqa aýyly – Aqsý-Aıýly aýyly) ýchaskesinde avtokóliktiń barlyq túrine qozǵalysqa shekteýler engizilip jatyr. 

Joldyń boljaldy ashylý ýaqyty - 2 qańtar, saǵat - 13:00.

Osy saǵatta Ulytaý óńirindegi Jezqazǵan-Petropavl tas joly (Ulytaý kentinen Qostanaı oblysy qalasyna deıin) jáne Qaraǵandy ​​oblysy boıynsha Ekaterınbýrg-Almaty tas jolynyń 1 353-1 426 shaqyrymy (Aqmola oblysy, Temirtaý q. aqy tóleý pýnkti) ýaqytsha jabyldy. 

Eske sala keteıik, buǵan deıin Temirtaý mańyndaǵy tas jolda 50-ge jýyq kólik keptelip qalǵanyn jazǵan edik.