Qaraǵandy oblysyndaǵy ushaq apatynyń birneshe sebebi ataldy

QR Kólik mınıstrligi Avıatsııa komıteti tóraǵasy Talǵat Lastaev osydan birneshe kún buryn bolǵan ushaq apatyna qatysty túsinikteme berdi, dep habarlaıdy QazAqparat tilshisi.

«Apattan keıin tergeý amaldary birden bastaldy. Oqıǵa ornyna mamandar bardy. Áýedegi ushaq apaty boıynsha negizi úsh nusqa qarastyrylady. Ol adamı faktor, tehnıkanyń isten shyǵýy, jáne syrtqy áserler», - dedi dedi Kólik mınıstriniń ýaqytsha mindetin atqarýshy, Avıatsııa komıtetiniń tóraǵasy Talǵat Lastaev Úkimet otyrysynan keıin ótken baspasóz máslıhatynda.

Avıatsııa komıtetiniń basshysy, tergeý qorytyndysy boıynsha nátıjeler qosymsha habarlanatynyn aıtty.

«Nusqaýshy ushqysh tájirıbeli boldy. Áýede 1097 saǵat ushqan. Alǵashqy daıyndyqty Jýkovskıı atyndaǵy áskerı-áýe akademııasynyń áskerı-áýe kúshteriniń joǵary oqý ortalyǵynda ótkizdi. Oǵan kýálik 2019 jyly berildi. Áýe qorǵanysy kúshteri áskerı ınstıtýtynyń kýrsanty, áskerı dárejesi – qatardaǵy jaýynger», - deıdi ol.

Eske sala keteıik, 30 qyrkúıekte Qaraǵandy oblysynda ushaq apatynan 2 adam mert bolǵany týraly habarlaǵan edik.

Resmı aqparatta aıtylǵandaı, oqý-jattyǵý ushýyn jasap júrgen P2002 úlgisindegi UPLA286 ushaǵy, ushyp shyqqan ýaqyty 07.46-dan keıin baılanysqa shyqpaǵan.