Qaraǵandy oblysyndaǵy «Saıaq-3» shahtasynda eki qyzmetker qaza tapty

QARAǴANDY. KAZINFORM — Oqıǵa týraly «Qazaqmys» baspasóz qyzmeti habarlady. Kenshiler kómirtegi gazynan ýlanyp, qaza tapty, dep habarlaıdy Kazinform agenttiginiń tilshisi.

Keshe Qaraǵandy oblysyndaǵy «Saıaq-3» shahtasynda jazataıym oqıǵa boldy. Shahtada kómirtegi gazy atyldy. 

«Barlyq qyzmetkerlerdi jedel evakýatsııalaý júrgizildi. Zardap shekkender jaqyn mańdaǵy medıtsınalyq mekemelerge jetkizildi. Ókinishke oraı, eki qyzmetker qaıtys boldy», — dep habarlady kompanııanyń baspasóz qyzmeti.

Oqıǵanyń mán-jaıy men sebepteri anyqtalýda. Qazirgi ýaqytta qaıǵyly oqıǵany tergeý jónindegi arnaıy komıssııa quryldy.

Sondaı-aq, kompanııa qazs tapqandardyń otbasylaryna barlyq qajetti kómek kórsetiletinin aıtty.

Eske sala keteıik, buǵan deıin Shyǵys Qazaqstan oblysyndaǵy «Artemev» shahtasynda ústine tas qulaǵan jumysshy kóz jumǵan bolatyn.

Oǵan deıin taǵy sol Shyǵys Qazaqstan oblysyndaǵy «Ertis» shahtasynda 4 adam qaza tapty.