Qaraǵandy oblysyndaǵy órt oshaqtary áýeden baqylandy
QARAǴANDY. KAZINFORM – Qaraǵandy oblysynda tabıǵı órt bolǵan aýmaqqa aerovızýaldy barlaý júrgizildi.
Áýeden júrgizilgen barlaý jumystaryna Tótenshe jaǵdaılar vıtse-mınıstri Ramıl Kamalov, oblystyq TJD bastyǵy Marǵulan Amanbaev jáne óńir ákiminiń orynbasary Rýslan Kenjebekov qatysty.
Oblystyq TJD málimetinshe, áýeden jaǵdaı, onyń ishinde jetýi qıyn ýchaskelerdegi ahýal baǵalandy. Jekelegen aýmaqtarda qazir joıylyp jatqan oqshaýlanǵan oshaqtar bar. Bul rette eldi mekenderge qaýip tónip turǵan joq.
Áýeden jasalǵan barlaý qorytyndysy boıynsha kúshter men tehnıka qaıta bólinip, jetýi qıyn ýchaskelerge basymdyq berildi. Oshaqtardy joıý jáne aýmaqty baqylaýda ustaý boıynsha aldaǵy sharalar aıqyndaldy.
Jaǵdaı turaqty baqylaýda. Óńirdegi tabıǵı órtter men janý oshaqtaryn joıý jumystary jalǵasyp jatyr.
Aıta ketelik Qaraǵandy oblysynyń Aqtoǵaı aýdanynda myń gektar aýmaqty órt sharpyǵan edi.
