Qaraǵandy oblysyndaǵy órt: eldi mekenderge qaýip joq
ASTANA. KAZINFORM — Qaraǵandy oblysy Qarqaraly aýdanynyń Jańatoǵan aýyly mańyndaǵy órt aýmaǵyna aerovızýaldy barlaý júrgizildi, dep habarlaıdy TJM baspasóz qyzmeti.
— 08:00-degi jaǵdaı boıynsha barlaý nátıjesinde jańa ashyq janý oshaqtary anyqtalǵan joq. Eldi mekenderge qaýip joq, — delingen habarlamada.
Qazirgi ýaqytta órtti oqshaýlaý jáne sóndirý jumystary jalǵasyp jatyr, jaǵdaıǵa turaqty monıtorıng júrgizilip keledi.
— Atalǵan jaǵdaı Qaraǵandy oblysy Tótenshe jaǵdaılar departamentiniń baqylaýynda, — delingen vedomstvo taratqan aqparatta.
Buǵan deıin Qaraǵandy oblysynyń Aqtoǵaı aýdanynda myń gektar aýmaqty órt sharpyǵanyn jazǵan edik.
