Qaraǵandy oblysynda JRVI men tumaýdyń taralýy jalǵasyp jatyr
QARAǴANDY. KAZINFORM – Qaraǵandy oblysynda maýsymdyq respıratorlyq ınfektsııalar boıynsha ahýal kúrdeli kúıinde qalyp otyr. Sanıtarııalyq-epıdemıologııalyq baqylaý departamentiniń jańartylǵan derekterine sáıkes, 1 qazan men 20 qarasha aralyǵynda óńirde 75 859 JRVI jaǵdaıy tirkelgen.
Aýrý juqtyrǵandardyń negizgi bóligin burynǵydaı 14 jasqa deıingi balalar quraıdy, olardyń úlesi 57 paıyz.
Laboratorııalyq taldaýlar A (H3N2) maýsymdyq tumaýdyń 61 jaǵdaıyn rastady. Bul shtamm jyl saıyn sýyq maýsymda aınalymda bolady. Aýyrǵandardyń 80 paıyzy – egilmegen balalar.
Qaraǵandy oblysynyń sanıtarııalyq-epıdemıologııalyq baqylaý departamentiniń basshysy ıÝrıı Zalygın qazirgi vırýs jańa shtamm emes ekenin, aýrýdyń klınıkalyq kórinisi klassıkalyq maýsymdyq tumaýǵa sáıkes keletinin aıtty.
— Temperatýranyń kúrt kóterilýi, bas pen bulshyqettiń qatty aýyrýy, qaltyraý – bulardyń barlyǵy maýsymdyq tumaýǵa tán belgiler, — dedi ol.
Sonymen qatar zerthanalyq saraptamalarda JRVI-diń ózge de qozdyrǵyshtary jıi anyqtalyp jatyr. Zerttelgen 492 úlginiń 44%-y túrli respıratorlyq vırýstarǵa oń nátıje kórsetken.
Olardyń ishinde basym túrleri:
• rınovırýs – 44%,
• paragrıpp – 25%,
• bokovırýs – 12%,
• adenovırýs – 9,5%,
• RS-vırýs – 1,3%
jáne basqa ınfektsııalar.
Dúnıejúzilik densaýlyq saqtaý uıymy aǵymdaǵy epıdmaýsymda A (H1N1), A (H3N2) jáne B shtammdarynyń aınalymda bolatynyn boljaǵan. Bul úsh shtamm da vaktsına quramyna engizilgen, sondyqtan ekpe aýyr aǵymnyń aldyn alýda mańyzdy ról atqarady.
Búginde Qaraǵandy oblysynda 164 249 adam tumaýǵa qarsy vaktsına alǵan. Dárigerler ekpe eń ózekti shtammdardan, sonyń ishinde A (H3N2) vırýsynan qorǵanýǵa múmkindik beretinin atap ótedi.
ıÝrıı Zalygın óńir turǵyndaryn profılaktıkalyq sharalardy saqtaýǵa jáne aýrý belgilerin elemeı qoımaýǵa shaqyrdy.
— Biz epıdjaǵdaıdy turaqty baqylaýda ustap otyrmyz. Alǵashqy sımptomdar paıda bolǵan kezde ózdiginen emdelýge bolmaıdy, — dedi ol.
Dárigerlerdiń usynystary:
• jabyq jáne adam kóp jınalatyn oryndarda bolýdy shekteý;
• aýrý belgileri bar adamdarmen baılanystan alys bolý;
• qoldy jıi jýý jáne antıseptık qoldaný;
• úı-jaıdy jıi jeldetý jáne ylǵaldy tazalaý;
• quramynda S vıtamıni bar taǵamdardy tutyný;
• alǵashqy belgiler baıqalǵanda birden dárigerge qaralý.
Buǵan deıin óńirde 63 myńnan astam JRVI jaǵdaıy tirkelgeni habarlanǵan edi.