Qaraǵandy oblysynda jol boıyndaǵy dámhanada gaz ballony jaryldy
QARAǴANDY. KAZINFORM — Qaraǵandy oblysynyń Moıynty stantsııasynda tótenshe jaǵdaı boldy: gaz ballonynyń jarylysy shaǵyn dámhanany birneshe sekýnd ishinde jalynǵa orady. Zardap shekkender shuǵyl túrde aýrýhanaǵa jetkizildi, al mamandar oqıǵa ornynda jumysqa kiristi, dep habarlaıdy Kazinform tilshisi.
Qaraǵandy oblysynyń Shet aýdanynda, Moıynty stantsııasynda jol boıyndaǵy dámhanalardyń birinde gaz ballony jarylyp, artynsha ǵımarat lezde órtke oranǵan. Alǵashqy órt sóndirý bólimderi jetken sátte nysannyń búkil aýmaǵynda ashyq jáne qarqyndy janý tirkelgen.
Zardap shekkender dereý jaqyn mańdaǵy aýdandyq aýrýhanaǵa jetkizilýde. Medıtsınalyq mekeme olardy qabyldaýǵa aldyn ala daıyndalyp, tósek-oryn men shuǵyl kómek kórsetýge qajetti dári-dármekpen qamtamasyz etilgen.
Qaraǵandy oblystyq TJD baspasóz qyzmetiniń málimetinshe, oqıǵa saldarynan 9 adam zardap shekken.
Qazir bolǵan oqıǵanyń sebepteri men mán-jaıyn quzyrly organdar anyqtap jatyr.
Eske salsaq, buǵan deıin Almatyda poıyzda 52 adamnyń tabıǵı gazdan ýlanǵany habarlanǵan bolatyn.