Qaraǵandy oblysynda jol apatynan úsh adam qaza tapty

QARAǴANDY. KAZINFORM – 11 tamyz saǵat 00:10 shamasynda «Astana – Qaraǵandy – Almaty» avtojolynyń 1396-shaqyrymynda, Osakarov aýdanyna qarasty Batpaqty aýyly mańynda jol-kólik oqıǵasy boldy.

Aldyn ala málimetter boıynsha, Toyota Alphard avtokóliginiń júrgizýshisi rólge ıe bola almaı, kólik aýdarylǵan.

Apat saldarynan úsh adam qaza taýyp, alty adam túrli jaraqat alǵan.

- Júrgizýshilerge jyldamdyq rejımin qatań saqtap, jolǵa shyǵar aldynda kóliktiń tehnıkalyq jaı-kúıin tekserý qajettigi eskertiledi, - delingen QazAvtoJol kompanııasynyń dereginde.

Aıta keteıik, Qaraǵandy mańynda mototsıkl júrgizýshisi qaza tapty.