Qaraǵandy oblysynda jedel járdem júrgizýshisin urǵan er adam ustaldy

QARAǴANDY. KAZINFORM - Qaraǵandy oblysynyń polıtseıleri jedel járdem júrgizýshisin urǵan er adamdy ustady. Ol oblys ortalyǵynan 200 shaqyrym qashyqtyqta ornalasqan qystaqta jasyrynǵan, dep habarlaıdy Kazinform tilshisi.

"Júrgizilgen keshendi jedel-izdestirý is-sharalarynyń nátıjesinde polıtsııa qyzmetkerleri oblys ortalyǵynan 200 shaqyrym qashyqtyqta ornalasqan aýyldardyń birinen, "jedel járdem" júrgizýshisine buzaqylyq áreketpen qasaqana zııan keltirgen 36 jastaǵy kúdiktini ustady”, - dep málimdedi Qaraǵandy oblysynyń PD bastyǵynyń orynbasary Ábil Ábildın.

Buzaqy ýaqytsha ustaý ızolıatoryna qamaldy. Qylmystyq isti tergeý qatań baqylaýda.

Eske salsaq, 27 qańtarda er azamat shaqyrýǵa kelgen dárigerler brıgadasynyń júrgizýshisimen sózge kelip qalǵan. Sodan soń ashýlanyp, judyryq ala júgirgen. Bul daýǵa er adamnyń aýla jolymen óte almaǵany sebep bolǵan.