Qaraǵandy oblysynda jabaıy sabanshy fototuzaqqa túsip qaldy

QARAǴANDY. KAZINFORM – Shet jáne Aqtoǵaı aýdandarynyń tasty taýlarynda sırek kezdesetin jabaıy sabanshy fototuzaqqa túsip qaldy. Bul týraly Qazaqstan bıoalýantúrlilikti saqtaý qaýymdastyǵy málimdedi.

2023 jyldyń kúzinen bastap aımaqta 19 fototuzaq ornatylǵan, biraq bir jyl ishinde sabanshy tek ekeýinde ǵana baıqalǵan.

«Sabanshylardyń tek eki fototuzaqta kórinýi tańǵalarlyq emes. Sebebi tuzaqtar osy jabaıy sabanshynyń Ortalyq Qazaqstannyń usaq shoqylaryndaǵy taralý shekaralaryn anyqtaý maqsatynda arnaıy ornalastyryldy. Kóptegen fototuzaq onyń turaqty mekendeıtin aýmaǵynan tys ornalasqan. Bul aımaq sabanshyǵa qolaısyz bolýy múmkin, sebebi qysta munda qar mólsheri óte kóp», - dep túsindirdi ASBK ǵylymı qyzmetkeri Ilıa Smelıanskıı.

Fototuzaq derekteri aımaqta taǵy bir jyrtqysh — Ortalyq Qazaqstannyń usaq shoqylaryn mekendeıtin sileýsinniń bar ekenin rastaıdy. Sonymen qatar fototuzaqtarǵa Qyzyl kitapqa engen tas sýsar men Qazaqstan arqary da túsken. Arqar 19 tuzaqtyń 17-sinde baıqalǵan.

Kelesi jyly sabanshy jáne basqa sırek kezdesetin janýarlardyń taralýyn ári qaraı baqylaý úshin Qaraǵandy oblysynyń aýmaǵyna 27 fototuzaq ornatyldy.

Almaty oblysynda ilbis fototuzaqqa túskenin jazǵan bolatynbyz.