Qaraǵandy oblysynda zamanaýı sút ónimderin shyǵaratyn ferma ashylmaq
Qaraǵandy oblysynda mal sharýashylyǵyn damytý jaqsy jolǵa qoıylyp otyr. Bıyl AÓK salasynda «Saryarka» ÁKK qoldaýymen 13 ınvestıtsııalyq joba josparlanǵan, onyń úsheýi sút-taýar fermalaryn salý boıynsha. Bul osy baǵytty ártaraptandyrýǵa serpin beredi, aýyl turǵyndary úshin jańa jumys oryndaryn qamtamasyz etedi. Bul týraly óńir ákimdigi málimdedi.
Nura aýdany Kóbeteı aýylynda táýligine orta eseppen 27 tonna sút óndirýge múmkindik beretin sút-taýar fermasynyń qurylysy júrip jatyr. Kásiporyn golshteın tuqymdy sıyrlar ákeledi, joba 1 100 bas iri qara ustaýdy qarastyrady. Ferma jobalyq qýattylyqqa shyqqan kezde jylyna 9 000 tonnaǵa jýyq sút óndirý josparlanýda. 70-ke jýyq jumys orny qurylady, bul rette jumysqa birinshi kezekte jergilikti turǵyndar ornalastyrylady.
Joba menedjeri Arman Nurjanov óndiris barynsha avtomattandyrylatynyn atap ótti.
Sút-taýar fermasy ózin azyqpen qamtamasyz etedi. Ol úshin sý tartý qurylysyn jáne sý qubyry jelilerin salý jobasy ázirlendi. Ol súrlemge arnalǵan jasyl júgeri jáne basqa da dándi daqyldar otyrǵyzylady dep josparlanǵan 700 gektar alqapty sýarýdy kózdeıdi.
Nura aýdany Kóbeteı aýylynda táýligine orta eseppen 27 tonna sút óndirýge múmkindik beretin sút-taýar fermasynyń qurylysy júrip jatyr. Kásiporyn golshteın tuqymdy sıyrlar ákeledi, joba 1 100 bas iri qara ustaýdy qarastyrady. Ferma jobalyq qýattylyqqa shyqqan kezde jylyna 9 000 tonnaǵa jýyq sút óndirý josparlanýda. 70-ke jýyq jumys orny qurylady, bul rette jumysqa birinshi kezekte jergilikti turǵyndar ornalastyrylady.
Joba menedjeri Arman Nurjanov óndiris barynsha avtomattandyrylatynyn atap ótti.
Sút-taýar fermasy ózin azyqpen qamtamasyz etedi. Ol úshin sý tartý qurylysyn jáne sý qubyry jelilerin salý jobasy ázirlendi. Ol súrlemge arnalǵan jasyl júgeri jáne basqa da dándi daqyldar otyrǵyzylady dep josparlanǵan 700 gektar alqapty sýarýdy kózdeıdi.
Al óńirdegi ósimdik sharýashylyǵy salasynda sýarmaly eginshilikke basa nazar aýdarylýda.
Oblystaǵy eń iri «Shahterskoe» aýyl sharýashylyǵy kásiporny jyl saıyn sýarmaly jerlerdiń aýmaǵyn keńeıtip keledi. Aınalymǵa sý alý jáne berý úshin barlyq ınfraqurylymy bar qosymsha 200 ga engizildi.
Sonymen qatar, pestıtsıdterdi saqtaýǵa arnalǵan qoımanyń qurylysy aıaqtaldy, mashına-traktor sheberhanalary men avtogarajdar qaıta jańartyldy.
— Bıyl biz kartop ósirýdiń qarqyndy tehnologııasyn qoldandyq. Sýarmaly jerlerdi keńeıtýdi jalǵastyramyz, sýarmaly alqaptardy 100% — ǵa deıin jetkizgimiz keledi, - deıdi «Shahterskoe» JShS dırektorynyń orynbasary Vıtalıı Prokop.
