AQSh aýǵan bosqyndaryn Kongo Demokratııalyq Respýblıkasyna kóshirýdi kózdep otyr

ASTANA. KAZINFORM — AQSh Kongo Demokratııalyq Respýblıkasyna 2001–2021 jyldary Aýǵanstandaǵy áskerı operatsııa kezinde Amerıkanyń Qarýly kúshterine kómektesken bir myńnan astam aýǵan azamatyn jiberýdi josparlap otyr, dep habarlaıdy TASS.

The New York Times gazetiniń málimetinshe, qazirgi ýaqytta shamamen 1100 aýǵan azamaty AQSh baqylaýyndaǵy Qatar bosqyndar lagerinde ornalasqan. Olardyń arasynda aýdarmashylar, burynǵy aýǵan arnaıy jasaq sarbazdary jáne amerıkalyq áskerı qyzmetshilerdiń otbasy músheleri bar.

Maqalada AQSh prezıdenti Donald Tramp bul másele boıynsha kelissózder júrgizip jatqany da aıtylǵan.

Qatar bastapqyda tek ýaqytsha ornalastyrý orny retinde qarastyrylǵan. Alaıda Tramp ákimshiligi olardy AQSh-qa kóshirýge múmkindik beretin baǵdarlamany toqtatqannan keıin aýǵan bosqyndary belgisiz jaǵdaıda qalyp qoıǵan.

Aıta keteıik, BAÁ Aýǵanstanǵa 96 tonna medıtsınalyq kómek jiberdi. Qazir elde ekonomıkalyq qıyndyqtar men medıtsınaǵa qoljetimdiliktiń shekteýli bolýyna baılanysty gýmanıtarlyq qajettilikter artyp otyr.