Qaraǵandy oblysynda turǵyndardyń páterlerin zańsyz ıemdenip kelgen qylmystyq top quryqtaldy
ASTANA. KAZIFORM - Mamyr aıynda Qaraǵandy oblysy polıtsııa departamentiniń uıymdasqan qylmysqa qarsy kúres basqarmasy «qara rıeltorlar» dep atalatyn toptyń zańsyz áreketin toqtatty, – dep habarlaıdy Polisia.kz.
Top quramyna zańgerler, advokattar jáne notarıýs kirgen.
Olar qorqytý jáne zorlyq-zombylyq kórsetý arqyly zeınetkerlerdiń, múmkindigi shekteýli adamdardyń jáne alkogol men esirtkige táýeldi adamdardyń múlikteri men páterlerin zańsyz rásimdeýmen aınalysqan.
Osylaısha olar 14 páterdi zańsyz rásimdegen. Qylmystyq toptyń belsendi bir múshesi destrýktıvti dinı aǵymnyń jaqtaýshysy bolyp tabylady.
– 13 mamyrda tintý is-sharalaryn júrgizý barysynda ártúrli jyljymaıtyn múlik pen jeke tulǵalardyń jeke derekterine qatysty kóptegen qujattar tárkilendi. Qylmystyq toptyń 28 múshesi ustaldy. Olardyń osyndaı basqa da qylmystarǵa qatysy bar-joǵy tekserilýde. Tergeý asa iri mólsherdegi alaıaqtyq faktisi boıynsha júrgizilip jatyr, – dedi ІІM uıymdasqan qylmysqa qarsy kúres departamentiniń ókili Qýandyq Alpys.
