Qaraǵandy oblysynda TikTok-ta balaǵat sózder aıtqan áıel jaýapqa tartyldy
ASTANA. KAZINFORM - Polıtsııa qyzmetkerleri ınternet keńistigine júrgizilgen monıtorıng barysynda TikTok áleýmettik jelisindegi tikeleı efırlerdiń birinen ádepsiz mazmundaǵy jazbany anyqtady, dep habarlaıdy Polisia.kz.
Tikeleı efır barysynda 42 jastaǵy áıel balaǵat sózder aıtyp, ádepsiz ym-ısharalar kórsetken.
-Polıtsııa qyzmetkerleri júrgizgen tekserý nátıjesinde quqyq buzýshynyń Shahan kentiniń turǵyny Araı Qurymbaeva ekeni anyqtaldy. Sot sheshimimen ol ákimshilik jaýapkershilikke tartylyp, oǵan aıyppul túrindegi jaza taǵaıyndaldy,-delingen habarlamada.
Polıtsııa áleýmettik jelilerge monıtorıng júrgizýdi jalǵastyrady. Tsıfrlyq ortada quqyq buzýshylyqtardyń aldyn alý, olardy anyqtaý jáne jolyn kesý baǵytyndaǵy jumystar turaqty túrde júrgizilip keledi.
Osyǵan deıin Semeı qalasynda TikTok jelisindegi efırde zań talaptaryn buzǵan áıel jaýapqa tartylǵany týraly jazdyq.
