Qaraǵandy oblysynda sý tasqynynyń aldyn alý úshin qandaı sharalar qolǵa alynǵan

ASTANA. KAZINFORM - Óńirde kóktemgi sý tasqynynyń aldyn alý úshin belsendi sharalar qabyldanýda. Búgin Osakarov aýdany Nıkolaevka aýylynyń mańyndaǵy Sabyrqoja ózeninde muz keptelisterin joıý úshin 8 559 sharshy metr aýmaqta jarylys jumystary júrgizildi.

Osyndaı is-sharalar Nura, Ótkelsiz, Jamanqon, Qulanotpes, Esil jáne Úlkenqundyz ózenderinde ótkizildi. Jalpy jarylys jumystarymen 14 myń sharshy metrden astam aýmaq qamtyldy.

Sondaı-aq, óńirde sý tasqyny qaýpin azaıtý úshin 2,3 mıllıon tekshe metrden astam qar shyǵaryldy, 10 tonnadan astam ınertti materıal tógilip, 87 shaqyrymnan astam aryqtar, 3 765 sý ótkizý qurylystary tazartyldy, 42 shaqyrymnan astam transheıalar kesildi, 11 myńnan astam ınertti materıaldar salynǵan qaptar tóseldi.

Osyǵan deıin Qaraǵandy oblysynda boryshkerlerge nesıelerin óteýge kómek kórsetiletini týraly jazdyq.