Qaraǵandy oblysynda soǵys ardagerleri Jeńistiń 80 jyldyǵyna 3 mln teńgeden alady

QARAǴANDY. KAZINFORM — Qaraǵandy oblysynda Uly Otan soǵysyna qatysqan toǵyz ardager 3 mln tengeden birjolǵy járdemaqy alady.

Qazirgi ýaqytta Qaraǵandy oblysynda 3 240 ardager turady, olardyń 9-y Uly Otan soǵysynyń ardageri. Óńirde Jeńistiń 80 jyldyǵyn merekeleýge daıyndyq bastaldy. Mindet – eshkim de nazardan tys qalmaýy tıis.

– Jeńistiń 80 jyldyǵyn merekeleý bastaý aldy. Qazirgi ýaqytta soǵys ardagerleri men tyl eńbekkerleriniń áleýmettik máselelerin sheshý jónindegi jumysty úılestiretin oblystyq jáne óńirlik shtabtar qurylýda, – dep habarlady apparattyq keńeste ishki saıasat basqarmasynyń basshysy Nurlan Bıkenov.

Jeńis kúnine oraı birjolǵy materıaldyq kómektiń somasy belgili boldy. Uly Otan soǵysyna qatysýshylar 3 mln teńgeden alady.

Sondaı-aq jeńildikter boıynsha UOS ardagerlerine teńestirilgenderge - kontslagerler tutqyndaryna jáne qorshaýdaǵy Lenıngrad turǵyndaryna – 200 myń teńgeden, tyl eńbekkerlerine – 100 myń teńgeden, UOS jyldary qaza tapqan jaýyngerlerdiń jesirleri men áıelderine 50 myń teńgeden tólemder qarastyrylǵan.

Sonymen qatar, mereıtoılyq medaldar tapsyrylady.

Jastar uıymdary eriktileriniń qatysýymen «Ardagerlerge taǵzym» qaıyrymdylyq aktsııasy uıymdastyrylady. Sondaı-aq, mektep oqýshylaryna arnalǵan patrıottyq is-sharalar: synyp saǵattary, erlik sabaqtary, konkýrstar josparlanǵan. «Aıbyn» áskerı-patrıottyq jıyny ótedi.
Ádettegideı onlaın-formatta ómirden ozǵan batyrlardyń esimin máńgi este qaldyrý úshin «Er esimi – el esinde» aktsııasy ótkiziledi.

Jeńis kúnine oraı oblysta 171 Jaýyngerlik Dańq eskertkishi qalypqa keltiriledi.

Eske salsaq, Táýelsizdigi kúni qarsańynda QR Prezıdenti Іs basqarmasyna qarasty mekemeler soǵys ardagerlerine qamqorlyq jasaǵan bolatyn.

Al Shyǵys Qazaqstan oblysynda ǵasyr jasaǵan ardagerdiń armany oryndaldy.