Qaraǵandy oblysynda sharýa qojalyǵy karantınge jabyldy

Qaraǵandy oblysy Qarqaraly aýdanyndaǵy sharýa qojalyqtarynyń birinde usaq maldyń qyrylýyna baılanysty karantın engizildi. Juqpaly aýrýdyń saldarynan fermer 70-ke jýyq qoı men eshkisinen aıyrylǵan, dep habarlaıdy Kazinform agenttiginiń tilshisi.

ірі қара
Фото: СҚО ауыл шаруашылығы басқармасы

Mal qyrylý jaǵdaıy Qaraǵandy oblysy Qarqaraly aýdany M. Mamyraev aýyldyq okrýginiń «Chkalov» qystaǵynda tirkelgen. Sońǵy ólim-jitim 27 aqpanda tirkelgen.

— 20 aqpanda ólekselerden alynǵan patologııalyq synamalardyń zertteý qorytyndysymen ınfektsııalyq enterotoksemııa qozdyrǵyshy anyqtaldy. Aýrýdyń nátıjesinde 70-ke jýyq qoı-eshki qyrylǵan. Qoıdyń juqpaly enterotoksemııasy — jiti, juǵymtal emes, mıkrob ýy denege taraıtyn, ishektiń qantalaýymen, júıkeniń buzylýymen, aǵzanyń jalpy ýlanýymen jáne búırektiń zardap shegýimen sıpattalady. Aýrýdyń qozdyrǵyshy S jáne D tıpterindegi mıkroorganızm — Clostridium perfringens bolyp tabylady, — dep habarlaıdy Qaraǵandy oblystyq veterınarlyq ınspektsııasy.

Veterınarlardyń aıtýynsha, ınfektsııa qozdyrǵyshtarynyń sporalary topyraqta, aqpaıtyn sýlarda, mal azyǵynda, mal qoralarynda, kóńde sonymen qatar janýaralardyń ishek-qaryndarynda saqtalady.

Atalmysh fakti boıynsha sharýa qojalyǵynda barlyq synamalar men taldaýlar júrgizilgen. Synaq hattamasynyń jáne júrgizilgen epızootologııalyq tekserý aktisiniń negizinde aýyl ákiminiń sheshimimen sharýa qojalyǵynyń aýmaǵynda shekteý is-sharalary belgilendi.
Sondaı-aq, osy fermada mamandar janýarlardy egip, aýmaqty dezınfektsııalaǵan. Karantın janýarlardyń sońǵy aýrý nemese ólim jaǵdaıynan jáne qorytyndy dezınfektsııa júrgizilgennen keıin kúntizbelik 20 kún ótken soń alynady.

Aýdan ákimdiginen habarlaǵandaı, ólgen janýarlarǵa ótemaqy qarastyrylmaıdy.
Osyǵan deıin Aqtóbe oblysy Yrǵyz aýdany Qoıbaǵar sý aıdynynda balyq qyrylǵanyn habarlaǵan bolatynbyz. 

Сейчас читают