Qaraǵandy oblysynda respýblıkalyq mańyzy bar joldyń 32 shaqyrymy jóndelip jatyr
ASTANA. KAZINFORM – Qaraǵandy oblysynda «Qaraǵandy – Aıagóz – Tarbaǵataı – Buǵaz» respýblıkalyq mańyzy bar avtomobıl jolynda ortasha jóndeý jumystary jalǵasyp jatyr, dep habarlaıdy «QazAvtoJol» ulttyq kompanııasy.
Jóndeý jumystary atalǵan avtojoldyń 217-249 shaqyrym aralyǵynda júrgizilýde.
Joba aıasynda 5,2 myń sharshy metr aýmaqta jol aqaýlary joıyldy. Sonymen qatar 10,5 shaqyrymda asfaltbeton jabyny jonylyp, 10,4 shaqyrymda jańa materıal qosý arqyly sýyq joný ádisimen jol negizi nyǵaıtyldy.
Budan bólek, 4,8 shaqyrymda iri túıirshikti asfaltbetonnan tómengi jabyn qabaty tóseldi.
– Ortasha jóndeý jumystary jol jabynynyń sapasyn jaqsartyp, kólik qozǵalysynyń qaýipsizdigi men jaılylyǵyn arttyrýǵa múmkindik beredi, – dep málimdedi kompanııa.
Aıta keteıik, ShQO-da joldaǵy shuńqyrlardy jóndeýdiń jańa tehnologııasy qoldanyla bastady.
