Qaraǵandy oblysynda prokýratýra aralasqannan keıin 9 aýyl taza sýǵa qol jetkizdi
QARAǴANDY. KAZINFORM – Qaraǵandy oblysynda prokýratýranyń aralasýynan keıin Nura aýdany aýyldarynyń turǵyndary taza sýǵa qol jetkizdi.
Prokýratýra turǵyn úı-kommýnaldyq sharýashylyqty damytýdyń 2023–2029 jyldarǵa arnalǵan Tujyrymdamasy aıasynda taldaý júrgizdi. Aýdan aýyldaryn taza aýyz sýmen qamtamasyz etý máselesi uzaq ýaqyt boıy sheshimin tappaı, turǵyndardyń quqyqtarynyń buzylýyna soqtyrǵany anyqtaldy.
Turǵyndardy sapaly sýmen qamtamasyz etý – turǵyn úı-kommýnaldyq sharýashylyq salasynyń basym baǵyttarynyń biri. Prokýrorlyq qadaǵalaý qorytyndysy boıynsha oblystyq bıýdjetten 200 mln teńge bólindi.
Bul qarajatqa aýdannyń 9 aýylynda uńǵymalar burǵylanyp, sý tartatyn munaralar ornatyldy. Búgingi tańda bes aýylda jumystar aıaqtalyp, turǵyndar taza sýǵa qol jetkizdi.
Qurylystyń barysy men bólingen qarjynyń ıgerilýi aýdan prokýratýrasynyń baqylaýynda ekeni habarlandy.
Aýyz sýmen qamtýǵa qatysty el boıynsha 269 jobanyń tek jartysy ǵana oryndalǵanyn jazǵan edik.