Qaraǵandy oblysynda páter urlyǵymen aınalysqan qylmystyq top ustaldy

QARAǴANDY. KAZINFORM – Qaraǵandy oblysynda páter urlyǵymen aınalysqan qylmystyq toptyń joly kesildi, dep habarlaıdy Polisia.kz.

Krımınaldyq polıtsııa qyzmetkerleri «Arlan» arnaıy maqsattaǵy bólimshesiniń jaýyngerlerimen birlesip júrgizgen jedel-izdestirý is-sharalary barysynda 35-39 jas aralyǵyndaǵy úsh er adam ustaldy.

Tergeý derekterine sáıkes, kúdiktiler aldyn ala sóz baılasyp, qylmysty naqty josparlanǵan shema boıynsha jasaǵan. Jyl basynda olar Loboda kóshesindegi turǵyn úılerdiń birine metall qorshaý men plastık terezeni kúshpen buzyp kirgen.

Úıden shamamen 40 ataýdan turatyn altyn buıymdar men gaýhar tastary bar áshekeıler, kúzen ton jáne noýtbýk urlanǵan. Jábirlenýshige keltirilgen materıaldyq shyǵyn 20 mıllıon teńgeden asqan.

Asa iri kólemdegi urlyq deregi boıynsha qylmystyq is qozǵaldy. Kúdiktiler ýaqytsha ustaý ızolıatoryna qamaldy. Qazirgi ýaqytta jan-jaqty tergeý amaldary júrgizilip jatyr.

Polıtseıler olardyń óńir aýmaǵynda tirkelgen ózge de uqsas qylmystarǵa qatystylyǵyn tekserýde.

Buǵan deıin de Almatyda páterlerge urlyqqa túsip júrgen kúdikti ustaldy.