Qaraǵandy oblysynda órtten 14 adam evakýatsııalandy

ASTANA. KAZINFORM –Qaraǵandy oblysynyń Shahtınsk qalasynda bes qabatty turǵyn úıde órt shyqty, dep habarlaıdy TJM baspasóz qyzmeti.

Oqıǵa ekinshi qabattaǵy páterde bolǵan. Qutqarýshylardyń jedel áreketiniń arqasynda baspaldaq arqyly 14 adam, onyń ishinde 3 bala qaýipsiz jerge shyǵaryldy.

Órtti sóndirý kezinde páterden bir gaz ballony tabylyp, jarylystyń aldyn alý sharalary júrgizildi.

TJM málimetinshe, órt shaǵyn aýmaqta oqshaýlanyp, kórshi páterlerge taralýyna jol berilmedi.

Aıta keteıik, Almaty oblysynda órt saldarynan 2 adam mert bolǵan edi.