Qaraǵandy oblysynda órt saldarynan bir otbasynyń 4 balasy kóz jumdy

QARAǴANDY.KAZINFORM – 23 aqpanda Qarqaraly aýdanynyń Taldy aýylynda 2 páterli bir qabatty turǵyn úıde 10 sharshy metr alańda úı zattary, jıhaz, tereze jáne esik bloktary órtendi. Tótenshe jaǵdaı saldarynan 4 bala kóz jumdy.

Órt saldarynan 2019, 2020, 2021, 2022 jyldary týǵan 4 bala qaıtys boldy. Órt shyqqan kezde balalar úıde jalǵyz bolǵan.

Zardap shekken otbasyǵa jergilikti atqarýshy organdar men turǵyndar tarapynan barlyq qajetti kómek kórsetilip jatyr. 

Órt faktisi boıynsha qylmystyq is qozǵaldy, tergeý is-sharalary bastaldy, saraptamalar taǵaıyndaldy.

«Oqıǵanyń sebepteri men jaǵdaılary anyqtalyp jatyr», — dep málimdedi Qaraǵandy oblysy TJD baspasóz qyzmeti.