Qaraǵandy oblysynda órt kezinde TJD qyzmetkeri qaza tapty

QARAǴANDY. KAZINFORM – Qaraǵandy oblysy, Qarqaraly aýdanynda dala órti kezinde 24-ÓSB azamattyq qorǵaý serjanty Halı Haırat qaza tapty, dep habarlaıdy Kazinform agenttiginiń tilshisi.

1991 jyly týǵan Halı Haırat 2014 jyldyń 12 mamyrynan bastap azamattyq qorǵaý organdarynda qyzmet etken. Saran qalasynyń turǵyny, joǵary kásibıligi men jaýapkershiligimen erekshelengen.

Qaza tapqan órt sóndirýshiniń týystaryna oblys ákimi Ermaǵanbet Bólekpaev pen Saran qalasynyń ákimi Erkin Baýylyqov baryp, kóńil aıtty. 

Marqumnyń otbasyna jerleý is-sharalaryn ótkizýge barlyq qajetti kómek uıymdastyryldy. Úıde feldsherlik jáne psıhologııalyq qyzmetter kezekshilik etedi. Otbasyn qoldaý boıynsha barlyq qajetti shara Qaraǵandy oblysy ákimdiginiń turaqty baqylaýynda bolady. 

Esterińizge sala keteıik, 6 qazanda Qarqaraly aýdanynda dala órti bastaldy. Ony joıý úshin TJM barlyq qyzmeti, onyń ishinde TJD 111 qyzmetkeri, quqyq qorǵaý organdary, 27 túrli tehnıka jumyldyryldy, órt sóndirýdiń jedel shtaby ashyldy. Oblys ákimi oqıǵa ornynda jedel shtabpen keńes ótkizdi.