Qaraǵandy oblysynda memlekettik satyp alý boıynsha zań buzǵan 12 laýazym ıesi jazalandy
QARAǴANDY. KAZINFORM - Qaraǵandy oblysynyń prokýratýrasy jetkizýshilerdi memlekettik satyp alýdyń josyqsyz qatysýshysy dep taný týraly talap-aryzdardy berý kezinde memlekettik organdar tarapynan júıeli buzýshylyqtardy anyqtady.
Qaraǵandy oblystyq prokýratýrasynyń habarlaýynsha, azamattyq isterdi qadaǵalaý barysynda sotqa tıisti talap-aryz bermegen nemese zańmen belgilengen bir aılyq merzimdi buzǵan birneshe memlekettik organ anyqtaldy.
Prokýrorlyq den qoıý sharalarynyń nátıjesinde 12 laýazymdy tulǵa ákimshilik jaýapkershilikke tartyldy; barlyǵy Qazaqstan Respýblıkasy ÁQBtK-niń 207-baby 10-2-bóligimen kináli dep tanylyp, olarǵa 843 375 teńge aıyppul salyndy.
-Bul jumys turaqty negizde júrgiziledi,-delingen habarlamada.
Osyǵan deıin ShQO-da prokýratýra kásiporyn jumysshylaryna tıesili 14 mln teńge jalaqynyń tólenýine uıtqy bolǵany týraly jazǵan edik.
